စံကားဖြူ ...
Phyu Lwin
February 19, 2018
1 Comments
ညက မအိပ်ခင် စာအုပ်တစ်အုပ်ဖတ်မယ်စိတ်ကူးမိတာနဲ့ ဆရာမ #ဂျူး ရဲ့ #ချစ်သူလား_စကားတစ်ပွင့်_ပွင့်ခဲ့တယ် ကို ဖတ်ဖြစ်ခဲ့တယ်။ အတိအကျမပြောတတ်တော့ပေမယ့် ဒီစာအုပ်ကို ပထမဆုံးဖတ်ဖြစ်ခဲ့တာက လွန်ခဲ့တဲ့ ဆယ်စုနှစ်ကျော်ကျော်ကြာက ဖြစ်ပါလိမ့်မယ်။ ဒုတိယအကြိမ်ကတော့ လွန်ခဲ့တဲ့ ၅ နှစ်လောက်ကပေါ့..။ ဒါပေမယ့်လည်း ဆရာမရဲ့ စာအုပ်တွေထဲ ကိုယ့်အကြိုက်ဆုံးထဲမှာ မပါခဲ့တော့ သိပ်မှတ်မှတ်ထင်ထင်မရှိခဲ့ဘူးရယ်..။ စံကားပန်းတွေကိုတော့ ဒီစာအုပ်ကလေးကနေ စတင်သိကျွမ်းလာခဲ့ပြီး ရင်းနှီးနေခဲ့ပေမယ့် အပြင်မှာတော့ သိပ်မတွေ့ဖူးခဲ့ပြန်ဘူး။
Magnolia champaca (အရင်ကတော့ Michelia champaca လို့ ခေါ်ပါတယ်) လို့ခေါ်တဲ့ စကားဝါပန်းကိုတော့ ငယ်ငယ်ကတည်းက ဈေးထဲမှာ တုတ်ချောင်းကလေးနဲ့ ထိုးပြီးရောင်းလေ့ရှိတာကနေ သိခဲ့တယ်။ အဲဒီနောက် ပုပ္ပားပြန်လက်ဆောင်ပုလင်းလေးတွေကနေတစ်ဆင့်၊ ကိုယ်တက်တဲ့ မူလတန်းကျောင်းကလေးကိုအသွား လမ်းတစ်နေရာကအိမ်မှာ အပင်အကြီးကြီးပေါ်ကနေ ပန်းဝါဝါလေးတွေပွင့်ပြီး အနံ့မွှေးလှတဲ့ ပန်းပင်ကြီးကို အိမ်မှာရှိစေချင်ခဲ့တယ်။ ဆိုတော့ ဘဝမှာ စံကားပန်းဆိုလို့ ကိုယ်ရင်းနှီးခဲ့ ချစ်ခဲ့ မြင်ခဲ့ဖူးတာဆိုလို့ စကားဝါပန်းတစ်မျိုးသာ တခုတ်တရရှိခဲ့ဖူးတယ်။ ကိုယ်မြင်ဖူးတဲ့ စကားဝါပန်းပင်ကလည်း ခွန်သာရဲ့ဥယျာဉ်ထဲက စံကားပင်တွေလို ပင်စည်ကြီးကြီး မြင့်မြင့်ပါပဲ။
အဖြူရောင်စံကားပွင့်ကြီးတွေ အရွယ်အစားက လက်ပံပွင့် ၂ ဆလောက်ကြီးတဲ့ ပန်းပွင့်တွေကိုတော့ မြန်မာမှာတွေ့ခဲ့တာမဟုတ်ဘဲ နွေဦးတစ်ခုမှာ ဂျပန်နိုင်ငံရဲ့ တနေရာမှာ ရင်းနှီးခဲ့မိတာ။ ပထမတော့ ကျောင်းကနေ ကိုယ်အမြဲသွားနေကျ shopping mall နားက လမ်းဘေးတစ်နေရာမှာ တွေ့ခဲ့တော့ပန်းပွင့်ကြီးတွေကို တအံ့တသြနဲ့ ဓါတ်ပုံတွေရိုက်ရုံမက သေချာကို ကြည့်နေမိတယ်။ ပန်းးဆိုရင် အပင်ပေါ်မှာပဲ ကြည့်မြင်ချင်သူမို့ ခူးဖို့ စိတ်ကူးတော့ မရှိခဲ့ဘူးရယ်။ ကိုယ်ပထမဆုံးမြင်ခဲ့တဲ့ စကားဖြူပွင့်ကြီးက ပွင့်ဖတ် ၈ ခုရှိတယ်။ နွေဦးဖြစ်တဲ့ မတ်လထဲမှာ အရွက်တွေလုံးဝမတွေ့ရဘဲ ပင်လုံးကျွတ်ပွင့်နေတာပါပဲ ။ ဆရာမရဲ့ စကားပန်းတွေထဲကဆိုရင်တော့ #ယူလန်စံကားဖြူ လို့ခေါ်တဲ့ Magnolia denudata နဲ့ ဆင်တူတယ်။ ဒါပေမယ့် စာအုပ်ထဲက ယူလန်စံကားဖြူက ပွင့်ချပ် ၉ ခု ပါပါသတဲ့။ ဒါ့အပြင် အနံ့လည်း မွှေးတယ်လို့ ဆိုတယ်။ ကိုယ့်ရဲ့ စံကားဖြူကတော့ ပွင့်ချပ် ၈ ခုပဲပါပြီး အအေးပိုင်းက ပန်းတွေရဲ့ထုံးစံအတိုင်း အနံ့မရှိပါဘူး။ အပင်ကလည်း လုံးပတ်သိပ်မကြီးသလို သိပ်မမြင့်လှတဲ့ အကိုင်းအခက်များလှတဲ့ ပင်လတ်တစ်မျိုးပါပဲ။
နောက်ထပ် စံကားဖြူပွင့်တွေကိုတော့ ကိုယ်ကျောင်းတက်ခဲ့တဲ့ ဂျပန်နိုင်ငံက မြို့လေးရဲ့ Botanical garden ထဲမှာ မတ်လထဲမှာပဲ တွေ့ခဲ့တယ်။ အဲဒီအပွင့်တွေက shopping mall နားကအပွင့်တွေထက် နည်းနည်းသေးပြီး ပွင့်ဖတ် ၇ ခုပဲ ပါပါတယ်။ အဲဒီအပင်ကိုတော့ တစ်နှစ်သာတွေ့ခဲ့ရပြီး နောက်ပိုင်းနှစ်တွေမှာတော့ မတ်လထဲ ဥယျာဉ်ကို မရောက်ဖြစ်တော့ မတွေ့ဖြစ်တော့ဘူး။
စာတွေကြောင့် စိတ်ဖိစီးမှုတွေဖြစ်တိုင်း ကိုယ်သွားတတ်တဲ့ အနီးဆုံး ဈေးဝယ်စရာနေရာဖြစ်တာကြောင့် shopping mall နားက စံကားဖြူပင်တွေကိုတော့ ၃ နှစ်လုံးလုံး တွေ့ခဲ့ရတယ်။ ဒီစာအုပ်ကို ပြန်မဖတ်ဖြစ်တာကြောင့် အဲဒီပန်းတွေဟာ ဆရာမရဲ့ စံကားပန်းတွေမှန်းတောင် မသိခဲ့ဘူးရယ်။ သူ့ရဲ့ မျိုးရင်းကိုပဲ အစွဲပြုပြီး Magnolia ပန်းတွေလို့ ကိုယ့်ဘာသာ ခေါ်ဖြစ်ခဲ့တာ။ အခုမှ သိရတာက တကယ်တမ်း မြန်မာမှာဆိုရင် ဒီပန်းတွေကို တတိုင်းမွှေးလို့ ခေါ်ပါသတဲ့။ ဘယ်လိုပဲဖြစ်ဖြစ် ကိုယ့်အသက် ၃၀ ကျော်မှ တွေ့ခဲ့ဖူးတဲ့ ပန်းပွင့်အကြီးကြီးတွေကို အမြတ်တနိုးဖြစ်မိတာပါပဲ ..။
စာအုပ်ကို ပထမဆုံးဖတ်ဖြစ်တော့ စံကားပန်းတွေကို မြင်ဖူးချင်ရုံမက အိမ်မှာပါ စိုက်ချင်ခဲ့တာ ။ အဲလိုနဲ့ တဖြည်းဖြည်း မေ့သွားခဲ့ပြီး စံကားဖြူပွင့်တွေကိုတွေ့တော့ စံကားပန်းမှန်းတောင် သေချာမသိဘဲ ကြည့်ရုံနဲ့တင် ကြည်နူးနေမိပြန်ရော ။ ညက စာအုပ်ကိုပြန်ဖတ်မိတော့မှ အဲဒီထဲက ဓါတ်ပုံတွေကြည့်ရင်း ဆယ်ကျော်သက်အရွယ်တုန်းက ရင်ခုန်ခဲ့တဲ့ မြင်ဖူးချင်ခဲ့တဲ့ စံကားဖြူပွင့်တွေကို ကိုယ်တိုင်တွေ့ခဲ့ရပြီးပါလားလို့ ကြည်နူးပီတိဖြစ်ရင်း ဒီစာကို ရေးဖြစ်တာဆိုပါတော့။ အိပ်ခါနီးဖတ်တာမို့ နည်းနည်းတော့ လန့်သလိုလိုဖြစ်မိတာ ဝန်ခံရပြန်ဦးမယ် 😳😁😁
ဒါပေမယ့် ကိုယ့်စိတ်ထဲမှာသိနေသလို ဆရာမဂျူးရဲ့ အပြောအရ ခွန်သာဟာ သရဲမဟုတ်ဘူးဆိုတာပါပဲ 😊😊💚💚💚