ဒီနေ့ဆိုရင် ဒီဇင်ဘာ ၂၂ ရက်ရောက်ပြီဆိုတော့ ၂၀၁၄ အတွက် ဖြတ်သန်းရမယ့်ရက်တွေက သိပ်မကျန်တော့ပါဘူး ...။ မနက်ဖြန် ၂၃ ရက်က ဂျပန်မှာ ပိတ်ရက် The Emperor’s Birthday လို့ ပြောပါတယ်..။ တကယ်က ဒီပို့စ်ကို ၂၀၁၅ ထဲရောက်မှ ၂၀၁၅ အတွက် အိပ်မက်တွေနဲ့အတူ ရေးဖို့ ဟိုးအရင်ကတည်းက စိတ်ကူးထားခဲ့တာ ..။ ဒါပေမယ့် အသူက tag တာကြောင့်ရော၊ မနက်ဖြန်ကျောင်းပိတ်ရက်မို့ ဒီနေ့ညတော့ ဘာစာမှမလုပ်ဘဲ အေးအေးဆေးဆေး စာရေးပြီး နားချင်တာကြောင့်ရော ရေးဖြစ်သွားတာပါ ...။ ၂၀၁၅ အတွက် အိပ်မက်တွေကတော့ သေသေချာချာ မဆုံးဖြတ်ရသေးလို့ နောက်မှ ပို့စ်တစ်ပုဒ် သတ်သတ်ရေးပါတော့မယ် ..။

တစ်နှစ်ဆိုတဲ့ကာလဟာ သွားရင်းလာရင်း၊ နေရင်းထိုင်ရင်းနဲ့ပဲ ကုန်ဆုံးသွားခဲ့ပြန်တယ်..။ လွန်ခဲ့တဲ့ တစ်နှစ်နီးပါးလောက်က မြန်မာပြည်အလယ်ပိုင်းမကျတကျနေရာမှာရှိတဲ့ အိမ်လေးတစ်အိမ်ရဲ့ အခန်းကျဉ်းတစ်ခုတည်းမှာ ကွန်ပျူတာတစ်လုံးထက် စာလုံးတွေ စီနေခဲ့တယ်...။ စိတ်ကူးထဲမှာ ဖြစ်အောင်လုပ်မယ်ဆိုတဲ့ ဆုံးဖြတ်ချက်တွေ၊ မျှော်လင့်ချက်တွေ၊ အိပ်မက်တွေနဲ့အတူ ၂၀၁၄ မှာ ဖြစ်ချင်တဲ့အရာတွေကို blog မှာ တင်ဖြစ်ခဲ့တယ်..။ နှစ်ကုန်ပိုင်းရောက်လာရင် အဲဒီရည်ရွယ်ထားခဲ့တဲ့ အိပ်မက်တွေ အကောင်အထည်ဖော်ဖြစ်မဖြစ်ဆိုတာ အဲဒီပို့စ်နဲ့အတူ ပြန်တိုက်ဆိုင်စစ်ဆေးကြည့်မယ်ဆိုပြီး စိတ်ကူးထားခဲ့တယ်..။။ ပို့စ်ရဲ့အမည်ကို Dreams လို့ပေးခဲ့ပြီး ခင်တဲ့ Blogger အချို့ကို Tag post အနေနဲ့ ဖိတ်ခေါ်ခဲ့ပါသေးတယ်..။ အဲဒါကြောင့် အခု review 2014 ကိုရေးတော့ အဲဒီပို့စ်ကို ပြန်ဖွင့်ပြီး တစ်ခုချင်းစီကို ပြန်ရေးမှာပါ..။

 ++++++++++++++++++

ယေဘူယျအားဖြင့် ၂၀၁၄ က မျှော်လင့်ထားတာထက် ကျမကို ပျော်ရွှင်မှုတွေ ပေးခဲ့တယ်..။ ဘ၀နဲ့ယှဉ်တဲ့ အပြောင်းအလဲကြီးကြီးမားမား ၃ ခု ကြုံခဲ့ရတယ်....။ ပထမတစ်ခုက စိန်ခေါ်မှုတွေပြည့်နေတဲ့ လုပ်ငန်းခွင် တစ်ခုကိုပြောင်းတာ၊ ဒုတိယတစ်ခုက ကျမရဲ့ phd အတွက် စကောလားရှစ်ရတာ၊ နောက်တစ်ခုကတော့ အချစ်ရေးပဲဆိုပါတော့ ...။

ပညာရေးနဲ့ပတ်သက်ရင် ကျမရည်မှန်းတာတွေ အားလုံးအကောင်အထည်ဖော်နိုင်ခဲ့တယ်...။ မယုံကြည်နိုင်လောက်အောင်ပဲ ဒီလောက်မြန်မယ်လို့ မထင်ပေမယ့် ကျမပထမဆုံးလျှောက်တဲ့ Scholarship ကို ချက်ချင်းရခဲ့တယ်..။ ထင်ခဲ့တာက အနည်းဆုံး ၃ ကြိမ်လောက်ထိတော့ ကြိုးစားရမယ် ထင်ခဲ့တာ..။ အဲဒါကြောင့် ဂျာမနီကနေတောင် MSc certificate နဲ့ Transcript တွေအတွက် true copy တွေကို ၅ စုံ တောင်းလာခဲ့တာ...။ အများဆုံး ၅ ခု လောက်လျှောက်ဖြစ်ရင် ကံကောင်းရင်တော့ တစ်ခုလောက်တော့ ရမှာပါလို့ တွေးခဲ့တယ်လေ..။ ၅ ခါ လျှောက်လို့မှ မရရင်တော့ ကိုယ်ညံ့လို့လို့ သတ်မှတ်ပြီး ထပ်လျှောက်ဖြစ်မှာ မဟုတ်တော့ပါဘူး..။ အဓိကဘာသာကလည်း rural development နဲ့ ပတ်သက်တာ လုပ်မှာပါ ..။ အဲဒါကြောင့် field survey အတွက် ပြန်ဖြစ်ရင် ရွာတွေဘက် အများဆုံး သွားဖြစ်မှာ...။ ရောက်တဲ့နိုင်ငံကလည်း ဟိုးအရင်ကတည်းက ကျမ ပညာသင်ချင်တဲ့နိုင်ငံ ပဲ ဖြစ်နေပါတယ်....။ ဒီနိုင်ငံမှာ ကျောင်းတက်ရဖုိ့ MSc အတွက်တုန်းက နှစ်ကြိမ် ကြိုးစားခဲ့ဖူးတယ်..။ ဒါပေမယ့် နှစ်ကြိမ်စလုံး Scholarship အတွက် short-list မှာပဲပါခဲ့ပြီး နောက်ဆုံးအဆင့်မှာ ကျန်နေခဲ့ရတာ ...။ ဒါပေမယ့်လည်း နောက်ဆုံးတော့ ရောက်လာပြီပဲလေ..။ Europe က ဘွဲ့ရလာတာဆိုပြီး အခုအချိန်ရောက်တော့ ဂျပန် ဆရာတွေနဲ့ ကျောင်းသားကျောင်းသူတွေကြားထဲမှာ Impression တောင် ကောင်းနေခဲ့ပါသေးတယ်..။

မိသားစုထဲမှာလည်း ကျမက ပံ့ပိုးပေးတာမဟုတ်ပေမယ့် မောင်လေးလည်း သင့်တော်တဲ့အလုပ်တစ်ခု ရသွားပါပြီ..။ သူ့ကို ကျောင်းတက်ဖို့ ဒီကိုခေါ်ချင်ပေမယ့် သူရဲ့ first degree က အဆင့်တွေ က အောင်ရုံလေးပဲဆိုတော့ အဆင်မပြေလောက်ဘူး ဖြစ်နေပြန်ရော..။ သူကလည်း စာလုပ်ရမှာ ဝါသနာ မပါတာနဲ့ဆိုတော့ အတော်ဖြစ်နေတာပေါ့ ..။ တခါတလေစဉ်းစားမိတာက ပညာရေးဘက်လိုက်စားတယ် ဆိုတာလည်း ဝါသနာတစ်ခုပဲဖြစ်မှာလို့..။ ဝါသနာမပါတဲ့သူအတွက်က ဝန်ထုပ်ဝန်ပိုးကြီးတစ်ခု ထမ်းထားရ သလိုမျိုးပေမယ့် ဝါသနာပါတဲ့သူအတွက်တော့ ပျော်စရာအလုပ်တစ်ခုပါ..။ တစ်ခုလောက် သတင်းပေး ချင်တာက ဂျပန်က Master course က ဂျာမနီလောက် မခက်ခဲဘူးဆိုတာပါပဲ ...။ 

အလုပ်အကိုင်မှာလည်း ၂၀၁၄ အတွင်းမှာ ပိုပြီးတော့ အောင်မြင်တဲ့ဘက်ကို ရောက်လာတယ်..။ ငွေလည်း စုဖြစ်လာတယ်..။ လူမှုရေးကတော့ ၂၀၁၄ အတွင်း ချစ်တဲ့ခင်တဲ့သူတွေ ပိုတိုးလာသလို မုန်းတဲ့သူတွေတော့ ပိုတိုးမလာလောက်ဘူး ထင်ပါရဲ့ ...။ ကျမကို ခပ်တည်တည်နေတတ်လို့ အမြင်ကတ် ကြည့်မရသူတချို့လည်း ရှိရင်ရှိမှာလေ...။ ဘာကြောင့်လဲဆိုရင် မလိုအပ်ဘဲနဲ့ အပိုစကားတွေ မပြောချင်လို့ ...။ စိတ်ထဲကမပါတဲ့ ပါးစပ်ဖျားက စကားလုံးတွေမထွက်ချင်လို့ တော်ရုံဆို စကားသိပ်မပြောဖြစ်ဘူး..။ စိတ်ထဲကလာတဲ့ စကားလောက်ပဲ ပြောဖြစ်တယ်..။ အဲဒီလိုဆိုတော့ လူမှုရေးကတော့ ထူးထူးခြားခြား တိုးတက်မလာဘူးထင်တယ်...။ ဒါပေမယ့်လည်း ၂၀၁၄ အတွင်းမှာ ခင်တဲ့သူတွေဆီက လက်ဆောင်တွေ တော်တော်များများရတယ်..။ ကျမက မတောင်းဆိုပဲနဲ့ မတွေ့တာကြာလို့ သတိရလို့ ဘာညာနဲ့ သူငယ်ချင်းတွေ၊ စီနီယာတွေဆီက လက်ဆောင်တွေ ပေးလာတာကို အရင်နှစ်တွေကထက် ပိုရခဲ့တယ်...။ ကူညီတဲ့သူတွေလည်း အများကြီး တွေ့ခဲ့ရတဲ့နှစ်ပါ..။ 

ဘာသာရေးက ၂၀၁၄ မှာ ဘုရားရှိခိုး၊ မေတ္တာပို့၊ ဆွမ်းရေချမ်းကပ်တာကို နေ့တိုင်းမပျက်မကွက် လုပ်ဖြစ်တယ်..။ အလှူတွေလဲ တော်တော်လုပ်ဖြစ်တယ်..။ ချစ်သူနဲ့ အတူတူ အလှူတော်တော်များများ လုပ်ဖြစ်တယ်...။

ဝါသနာဖြစ်တဲ့ စာရေးခြင်းမှာလည်း တိုးတက်မှုရှိလာတယ်..။ ၂၀၁၄ ခုနှစ်အတွင်းမှာပဲ ဒီ Blog မှာ ကျမရေးတဲ့ပို့စ်တချို့ကို အယ်ဒီတာအစ်မတစ်ယောက်က သူ့ဂျာနယ်မှာ ထည့်ပေးတယ်လေ..။ အဲဒီတော့ ပရင့်ဖြစ်စေချင်တဲ့ ကျမအိပ်မက်တစိတ်တပိုင်း ပြည့်သွားခဲ့တာပေါ့ ...။ Blog မှာတော့ ပို့စ် ၅၀ လောက် ရေးဖြစ်အောင် ကြိုးစားမယ်ဆိုပေမယ့် မရေးဖြစ်ခဲ့ပါဘူး...။ ပြီးတော့ ကျမရေးချင်တဲ့ပုံစံမျိုးတွေ သိပ်မရေးဖြစ်ခဲ့ဘူး ...။ အချိန်မပေးနိုင်တာကြောင့် ပါပါတယ်..။ နေ့စဉ်သွားလာလှုပ်ရှားနေတဲ့ Diary post တွေပဲ အများဆုံးရေးဖြစ်ခဲ့တယ်...။ 

+++++++++++++++

တစ်ခုထပ်ဖြည့်ပြောရရင် ၂၀၁၄ က ဘာကြောင့် ကျမဖြစ်ချင်တဲ့အရာတွေအားလုံးလိုလိုကို ဖြည့်ဆည်းပေး ခဲ့လဲဆိုတာ အံ့သြစရာ တိုက်ဆိုင်မှုတစ်ခုပါ..။ ဂျာမနီမှာတုန်းက ကျောင်းက Conference တစ်ခု အတွက် တောင်အာဖရိကကို သွားဖြစ်ခဲ့တယ်..။ အဲဒီနောက် ကမ္ဘာ့တိုက်ကြီးတွေအားလုံး ကို ရောက်ဖူးချင်တဲ့ကျမက အာရှရယ်၊ ဥရောပရယ်၊ အာဖရိကတိုက်တွေကို ရောက်ဖူးသွား ခဲ့ပြီးပြီဆိုတော့ နောက် Target တစ်ခုက တောင်အမေရိကတိုက် ဒါမှမဟုတ် လက်တင်အမေရိက ကို ရောက်ဖူးချင်တဲ့စိတ် ပြင်းပြနေခဲ့ဖူးတယ်..။ ဘာကြောင့် နီးနီးနားနား Australia ကို သွားချင်တဲ့စိတ် မဖြစ်ခဲ့သလဲတော့ မသိပါဘူး..။ ကံတရားက နောက်တစ်ခါ ရောက်ဖြစ်မယ့်နိုင်ငံက Brazil ဆိုတာ ကြိုသိနေခဲ့လေသလားပဲ ..။ တိုက်ဆိုင်စွာပဲ အလုပ်ကိစ္စနဲ့ပဲ ၂၀၁၄ သြဂုတ်လမှာ Brazil ကို ၂ ပတ်သွားဖြစ် ခဲ့တယ်..။ အရမ်းကို သွားချင်နေခဲ့တဲ့နေရာမို့ အကြောင်းတိုက်ဆိုင်ပြီး သွားခဲ့ရတဲ့အခါ တကယ်ကို ပျော်ရွှင်ခဲ့ရတဲ့ ခရီးတစ်ခု ဖြစ်ခဲ့ပါတယ်။ ဓါတ်ပုံတွေအများကြီး ရိုက်ဖြစ်ခဲ့ပြီး ဒီမှာ တင်မယ်တင်မယ်နဲ့ ပို့စ်မရေးဖြစ်ခဲ့ဘူး..။ လေယာဉ်က ၄ ဆင့်ပြောင်းစီးခဲ့ရပြီး လမ်းမှာတင် အသွား  ၂ ရက် အပြန် ၂ ရက်ကြာခဲ့တဲ့ ခရီးတစ်ခုပါ..။ မြန်မာပြည်နဲ့ လည်း နေ့နဲ့ည အချိန်တွေက လွဲပါတယ်..။ အဲဒီခရီးကို သွားပြီးတဲ့နောက်မှာ တော်ရုံလေယာဉ်ကြာကြာ စီးရတာကို ခဏလေးလို့ပဲ ထင်မိတဲ့အထိ ဘ၀မှာ အကြာဆုံးသွားခဲ့ဖူးတဲ့ ခရီးတစ်ခုပါ..။  

ဒီပုံက Brazil နိုင်ငံရဲ့ အမှတ်အသားတစ်ခုဖြစ်တဲ့ ကြာပန်းပါ...။ အရွက်တွေက မြန်မာပြည်မှာတွေ့ရတဲ့ ဇကောတစ်ခုထက်ကို အများကြီးကြီးပါတယ်။ လူတစ်ယောက်ထိုင်မယ်ဆိုရင် လွတ်လွတ်လပ်လပ်ထိုင်လို့ ရလောက်တဲ့အထိကို အရွက်တွေက ကြီးတာပါ..။ ကျမဘဝမှာတော့ ဒီလို ကြာပင်ကို ပထမဆုံးမြင်ဖူးခြင်းပါပဲ ..။ နောက်မှ ရေးချင်စိတ်ပေါ်လာတဲ့အခါ Brazil နိုင်ငံရဲ့ ထူးခြားတဲ့အကြောင်းအရာတွေကို ရေးပါဦးမယ် (:P ရေးစရာ အကြွေးတွေလည်း များနေပြီ :P )

+++++++++++++++++++++++++

ခြုံပြောရရင် ၂၀၁၄ က ကျမအတွက် ကံအကောင်းဆုံးနှစ်တွေထဲက တစ်နှစ်ပါ..။ အလုပ်ခွင်ထဲမှာ ပင်ပန်း စိတ်ရှုပ်ရတာကလွဲရင် စိတ်ညစ်စရာ၊ စိတ်မကောင်းစရာဆိုတာ မရှိသလောက် ရှားပါးတဲ့ နှစ်တစ်နှစ်ပါ ..။ ကျန်းမာရေးမှာလည်း ဘာမှဆိုးဆိုးရွားရွားမဖြစ်ခဲ့ပါဘူး...။ မြန်မာပြည်က ဖုန်မှုန့်တွေနဲ့ မတည့်လို့ နှာစေး၊ ချောင်းဆိုး၊ အအေးမိတာလောက်သာ ဖြစ်ခဲ့ပါတယ်..။ ဖြစ်နိုင်ရင်တော့ အကောင်းဆုံးမဟုတ်တောင် ၂၀၁၅ က ၂၀၁၄ လောက်သာ ကျမအပေါ်မှာ ကောင်းဖို့ မျှော်လင့်မိပါတယ်။

Women's World Journal ထဲမှာ ပါပြီးခဲ့တဲ့ အက်ဆေးနဲ့ ၀တ္ထုတိုတချို့..။ အများကြီးကျန်သေးတယ်..။ ပို့စ်က အရမ်းရှည်သွားမှာစိုးလို့ နမူနာလောက်ပဲ ပြထားတာ.. :D :D
ပထမဆုံးပရင့်ဖြစ်တဲ့ အက်ဆေးတွေက အမျိုးသမီးတွေအတွက် အဓိက ဦးတည်ပြီး ထုတ်တဲ့ ဂျာနယ်မှာပါတာဆိုတော့ ဘယ်လိုပြောရမလဲ .."ပျော်တာပေါ့" လို့ :)))

အောက်တိုဘာ နောက်ဆုံးပတ်ထဲမှာ ခရီးသွားစရာ တစ်ခုရှိနေခဲ့တယ်..။ အချိန်တော်တော်ကြာမယ့် ခရီးဆိုပါတော့ ...။ အဲဒီအတွက် လိုအပ်တာတွေ ပြင်ဆင်နေရတာတွေနဲ့ တစ်လလုံး မနားခဲ့ရပါဘူး..။ ပင်ပန်းလွန်းပြီး ဖျားတောင် ဖျားခဲ့ပါသေးတယ်..။

သွားမှာက ရန်ကုန်ကနေ တဆင့်သွားမှာ ..။ တကယ်က မောင်က ရန်ကုန်မှာနေပြီး ကျမက နယ်မှာ နေတဲ့ သူ..။ မောင် ဆိုတာက ကျမချစ်သူကို ခေါ်တဲ့ နာမ်စားပေါ့ ♥♥ ကျမတို့  ၂ ယောက် ချစ်သူဖြစ်စကတော့ သူက “ကို” လို့ ခေါ်ဖို့ပြောတယ်..။ ဒါပေမယ့် ကျမက “မောင်” လို့ ခေါ်တာကို ပိုသဘောကျလို့ အမြဲတမ်း မောင်လို့ ခေါ်ဖြစ်ပါတယ်...။ နောက်တော့ မောင်လဲ ကျမနဲ့ စကားပြောရင် သူ့ကိုယ်သူ မောင်လို့ပဲ သုံးတော့တယ်..။ 

ကျမတို့လား....?? တစ်ယောက်နဲ့တစ်ယောက် အရမ်းချစ်ကြတဲ့ ချစ်သူတွေပေါ့..။ ဒါပေမယ့် ကံတရားက အခုထိ နီးစပ်ခွင့်မပေးသေးဘဲ ဝေးနေကြဆဲပါပဲ ...။ တစ်ယောက်နဲ့တစ်ယောက် မိုင်ပေါင်းများစွာ အဝေးကြီးမှာ နေထိုင်ရပ်တည်ကြရင်း ကိုယ်စီဘဝတွေအတွက် ကြိုးစားရုန်းကန်နေကြဆဲ ..။ နားလည်မှုအပြည့်ပါတဲ့ အချစ်တစ်ခုကို ၂ နှစ်ကျော်ကျော်တည်ဆောက်အပြီးမှာတော့ ယုံကြည်မှုက တစ်ဆင့်တိုးလာတဲ့အခါ “မောင်” က ကျမချစ်သူပါလို့ တစ်လောကလုံးကို ကြေငြာဖို့ ကျမမှာ သတ္တိအပြည့်ရှိလာခဲ့ပါပြီ ...။ နောက်တိုက်ဆိုင်တာတစ်ခုက မောင်နဲ့ကျမနဲ့က မောင်နှမလို့ ထင်ရလောက်အောင် ရုပ်ချင်းအရမ်းဆင်ကြပါတယ်... ^)^ ^(^

ဟိုးးးအရင်အချိန်ကာလတွေတုန်းကတော့ ကျမဆိုတာ ချစ်သူမရှိဘဲ တစ်ယောက်တည်းသီးသန့်နေတယ်လို့ လူတိုင်းထင်ရလောက်အောင် ကျမက ချစ်သူကို လူတွေရှေ့ဘယ်တော့မှ ချမပြခဲ့ပါဘူး....။ လူကိုယုံကြည်လို့ ရပေမယ့် ကိုယ်စီမံဖို့မဖြစ်နိုင်တဲ့ လောကဓံတရားကို ကျမကြောက်တယ်လေ...။ မတော်တဆ မောင်နဲ့ ဝေးသွားခဲ့ရင် ပြောဆိုဝေဖန်လာမယ့် ပတ်ဝန်းကျင်ရဲ့ စကားလုံးတွေကို ရင်မဆိုင်ချင်တဲ့အခါ လူတွေရှေ့မှာ မောင့်အကြောင်း တစ်လုံးမှ မပြောဘဲ တိတ်တိတ်ဆိတ်ဆိတ်နေ လာခဲ့ပါတယ်...။ အဲဒီအချိန်တွေကြားထဲမှာ ရန်ဖြစ်လိုက်၊ ပြန်ချစ်လိုက်၊ မတူညီတာတွေကို ညှိနှိုင်းအဆင်ပြေဖို့ ကြိုးစားလိုက်နဲ့ပဲ မောင်နဲ့အတူတူ တစ်ဘ၀လုံးလက်တွဲသွားမယ် ဆိုတဲ့ ဆုံးဖြတ်ချက်တစ်ခုကို ချဖြစ်ဖို့ ခက်ခက်ခဲခဲ ကြိုးစားခဲ့ရပါတယ်..။ ဘာကြောင့်လဲဆိုရင် ကျမကို သိတဲ့သူတချို့သိပြီးဖြစ်တဲ့အတိုင်း ကျမရဲ့ ပညာရေးက အဆုံးမသတ်သေးဘဲ ဆက်ကြိုးစားနေဦးမှာ ဆိုတော့ မောင့်ဘက်က မိသားစုတစ်ခုကို အမြန်အကောင်အထည်ဖော်ချင်ပြီဖြစ်တဲ့အခါ သဘောထား ကွဲလွဲတာတွေ ဖြစ်ခဲ့ကြပါသေးတယ်...။ ခုတော့လည်း အဲဒီလို သဘောထားမတူညီတာတွေ ပြီးဆုံးသွားလို့ အချိန်ကာလတစ်ခုကို သတ်မှတ်နိုင်ခဲ့ပါပြီ ...။ အဲဒီအချိန်ကာလအတွင်း ဖြစ်ပျက်မယ့်အရာတွေကတော့ ကျမတို့ လိုက်မမီနိုင်တဲ့ ကံတရားကလွဲရင် နှစ်ယောက်စလုံးမှာ သစ္စာတရားကို လက်ကိုင်ထားလို့ ကိုယ်စီရပ်တည်မှုကို အခြေကျဖို့ တည်တည်ငြိမ်ငြိမ်ကြိုးစားနေရုံပါပဲ ...။ 

ခရီးသွားဖို့ ယူသွားဖို့ ပစ္စည်းတွေက သွားခါနီး တစ်ပတ်လောက်အထိ ဘာမှမပြင်ဆင်ခဲ့ရသေးပါဘူး...။ အဖေရယ် အမေရယ်နဲ့ အတူ တစ်ရက်တော့ သယ်သွားမယ့် အစားအသောက်တွေ အတွက် ဈေးဝယ်ထွက်ဖြစ်ခဲ့တာကလွဲလို့ပေါ့..။ အဲဒါကြောင့် ကျမလိုအပ်တာတွေ ပြင်ဆင်ပေးဖို့အတွက် သွားခါနီး ၃ ရက်လောက်အလိုမှာ မောင်ရောက်လာခဲ့ပါတယ်...။ သယ်သွားမယ့် Luggage တွေထဲမှာ အ၀တ်အစားတွေကို ကျမဘာသာထည့်ပြီး အစားအသောက်တွေကိုတော့ မောင်က သေချာထည့်ပေး ပါတယ်...။ ထပ်ပြီး လိုမယ့်ပစ္စည်းတွေ သူကိုယ်တိုင်လိုက်ဝယ်တယ်..။ ပစ္စည်းတွေကို သေချာထုပ်ပိုးပြီး သူကိုယ်တိုင်ထည့်ပေးတယ်...။ သေချာတာက မောင်က ကျမထက် စနစ်တကျရှိတယ်..။ ကျမဆိုရင် ဖြစ်သလိုထုပ်ပိုးပြီး ထည့်ချင်သလိုထည့်မှာဖြစ်ပေမယ့် မောင်က သေချာ အစီအစဉ်တကျ ပြင်ဆင်ပေးခဲ့တယ်...။ ကျမကတော့ ဘေးနားကနေပဲ မောင် ပြင်ဆင်ပေးတာကို နည်းနည်းပါးပါးကူပေးပြီး အေးအေးသက်သာပဲ နေနေခဲ့တယ်..။ ခရီးဝေးသွားမှာဆိုတော့ ကျမ ပင်ပန်းလို့ မဖြစ်ဘူးလေ..။

နောက်တော့ အဖေရယ်အမေရယ် အဒေါ်ရယ်နဲ့ အတူ မောင်ရယ် ကျမရယ် ရန်ကုန်ကို ထွက်လာဖြစ်တယ်...။ မသွားခင် တစ်ရက်မှာ မောင်က ကျမစားချင်တဲ့ မြန်မာအစားအစာတွေ အကုန်လိုက်ဝယ်ကျွေးတယ်..။ ရန်ကုန်မြို့ထဲမှာ နေရာအနှံ့လျှောက်သွားရင်း စားချင်တာတွေ လျှောက်စား တယ်..။ အိမ်ပြန်ခါနီးမှ ညစာစားဖို့ ဆိုင်ထဲအ၀င် ကျမ ခြေခေါက်လဲပါလေရော..။ အရင်က တစ်ခါလဲဖူးတုန်းက ၂ ရက်လောက် လမ်းမလျှောက်နိုင်ပဲ ဖြစ်ခဲ့ဖူးတော့ ၂ ယောက်လုံး တော်တော်စိတ်ပူ သွားတယ်..။ မောင်က ချက်ချင်းဆေးဝယ်ပြီး ဆိုင်ထဲမှာ ကျမခြေထောက်ကို ဆေးလိမ်းပေးတော့ ပူထူနေတာနဲ့ ၂ ယောက်လုံး ပတ်ဝန်းကျင်ကို သတိမထားမိဘူး..။ ပြီးမှ ဘေးကိုကြည့်လိုက်တော့ ကျမခြေထောက်ကိုကိုင်ပြီး ဆေးလိမ်းပေးနေတဲ့ မောင့်ကို ဆိုင်ထဲက တခြားသူတွေက ထူးဆန်းသလို ကြည့်နေကြတယ်လေ...။ ထားပါတော့ ... ဒါက ဖျတ်ကနဲ ကြော်ငြာဝင်တာ :D

ညအိပ်တော့ အမေက ဆေးလိမ်းပေးပြီး ခြေထောက်ကို ကျပ်စည်းပေးတယ်...။ အဖေရော အမေရော အဒေါ်ရောက နောက်တစ်ရက် ခရီးသွားရင် ကျမခြေထောက် ထောက်နိုင်ပါ့မလားလို့ စိုးရိမ်တကြီးနဲ့ပေါ့ ..။ မောင်ကလည်း စိုးရိမ်ပြီး သက်သာရဲ့လားလို့ ခဏခဏဖုန်းဆက်မေးတယ်..။ ကံကောင်းစွာနဲ့ပဲ မနက်ရောက်တော့ ကျမ ခြေထောက်တော်တော်သက်သာသွားခဲ့တယ်..။ အမေနဲ့ မောင့်ရဲ့ ဂရုတစိုက်ဆေးလိမ်းပေးမှုကြောင့် ဖြစ်မှာပေါ့ ^^

သွားမယ့်နေကျတော့ လေဆိပ်မှာ မိသားစုတွေရော၊ မောင်ရော လိုက်ပို့တယ်..။ မောင်က Visitor card ၀ယ်ပြီး အတွင်းထဲထိ အိတ်တွေလိုက်သယ်ပေးတယ်...။ Boarding pass ထုတ်ပြီး အပေါ်ထပ်ထိလည်း မောင်လိုက်လို့ရတယ်လေ...။ Immigration ကိုဖြတ်ပြီး Gate ထိ မောင်လိုက်ပို့ တယ်...။ Gate မှာ Security check အတွက် ကျမ တန်းစီနေတဲ့အခါ အတွင်းထဲ ၀င်ခါနီးထိ မောင်က ဘေးနားမှာ နေပေးခဲ့ပြီး အောက်ကို ပြန်ဆင်းသွားတယ်...။ တဖြည်းဖြည်းဝေးသွားတဲ့ မောင့်ကျောပြင်ကိုကြည့်ရင်း အလွမ်းတွေက ချက်ချင်း အသက်ဝင်လာကာ အဲဒီအလွမ်းတွေနဲ့ နှစ်တော်တော်ကြာ အဖော်ပြုရဦးမှာပါလားလို့ တွေးမိရင်း မျက်ရည်တော့ မကျမိခဲ့ပါဘူး..။ ခွဲခွာခြင်းက အကြိမ်ရေများလာတဲ့အခါ မျက်ရည်ဆိုတာ ကျမအတွက် မလိုအပ်တော့တာ ကြာခဲ့ပြီလေ...။ ဆက်သွယ်ရတာ လွယ်ကူနေတဲ့ ခေတ်ကြီးထဲမှာ အနေဝေးရင်သွေးအေးသွားလိမ့်မယ် ဆိုတဲ့ ဆိုရိုးစကားက ဟိုးရှေးရှေးမှာ ကျန်ခဲ့ပြီကိုးးး...။

+++++++++++

အခုလားးးး.....

ကျမချစ်တဲ့ မိသားစုရယ်၊ မောင်ရယ်နဲ့ အဝေးကြီးက နိုင်ငံတစ်ခုရဲ့ မြို့တစ်မြို့မှာ luggage ထဲက မောင်ကိုယ်တိုင်ထည့်ပေးလိုက်တဲ့ အစားအသောက်တွေကို နေရာချထားနေရင်း အလွမ်းတွေကို စာစီမိတယ်ဆိုပါတော့ ...။

ချယ်ရီတွေ မပွင့်သေးပေမယ့် အရောင်တွေစုံလာတော့မယ့် ဆောင်းဦးကာလရဲ့ ကြည်နူးစရာမြင်ကွင်းတွေအကြား ... ကျမကတော့ ဘယ်နေရာရောက်ရောက် ပျော်နေတာပါပဲလေ...။ သေချာတာက နောက်သုံးနှစ်အကြာမှာ ကျမလွမ်းနေရဦးမယ့် သက်မဲ့အရာတွေထဲ မြို့ကလေးတစ်မြို့ ထပ်တိုးလာဦးမယ်ဆိုပါတော့ ...။

Actually, this post is personally dedicated to my beloved fiancé <3

++++++++++++

မြတ်ကြည်ရဲ့ Challenge post တစ်ခုဖြစ်တဲ့ October favorites ဆိုတဲ့ ခေါင်းစဉ်အောက်မှာ ကျမရဲ့ အနှစ်သက်ဆုံးက ဘာလဲဆိုတာ ခန့်မှန်းမိလောက်ပါရဲ့ ....။

 အားလုံးပဲ မင်္ဂလာပါ … ဒီနေ့တော့ အကြွေးရှင်းစရာလေးတစ်ခုကို အပြတ်ရှင်းမှဖြစ်တော့မယ် ..။ တစ်လောက မောင်လေးနွေလရဲ့ ဘလော့ဂ်လေး ရုတ်တရက်ပျောက်သွားတုန်း … ဒီတဂ်ပို့စ်လေးဖြစ်လာတာပဲဆိုပါတော့ ..။ သူလာပြောကတည်းက ချက်ချင်းရေးပေးချင်ပေမယ့် ….အက်ဆေးရှည်ရှည်တွေရေးဖို့ မအားတာရယ် .. အရင်ကတည်းက ကျမရဲ့ Blog စတင်ခဲ့ပုံ..ဘာကြောင့် ဖန်တီးဖြစ်ခဲ့ပုံစသဖြင့်ကို အချိန်ပေးပြီး သေသေချာချာလေးရေးဖို့ စိတ်ကူးရှိတာရယ်ကြောင့် အခုမှရေးဖြစ်ခြင်းပါ..။

(၁) သင့်ဘလော့လေးကို ဘယ်အချိန်ကစပြီး တည်ထောင်ခဲ့ပါသလဲ … ဘယ်လိုတည်ဆောက်ခဲ့ရသလဲ ?

ကျမ ဂျာမနီကိုမရောက်ခင် မြန်မာနိုင်ငံမှာတုန်းက မြန်မာဘလော့ဂ်တွေ တစ်ခါမှ မဖတ်ခဲ့ဖူးပါဘူး..။ အဲတုန်းက ဆိုင်မှာ သွားသုံးရတာလည်းပါသလို ကွန်နက်ရှင်ကြောင့်ပဲဖြစ်ဖြစ် .. အင်တာနက်သုံးပြီဆိုရင် ကိုယ်လိုချင်တဲ့ Information ကို Google မှာရှာတယ်..။ ကူးလာပြီး အိမ်ပြန်ရောက်မှ စာဖတ်ဖြစ်တယ် .။ အဲဒီလိုနဲ့ ၂၀၁၁ ခုနှစ် ဇူလိုင်လမှာ ကျောင်းတက်ဖို့ ဒီကိုရောက်လာတယ် ..။ ရောက်ရောက်ချင်းလဲ မြန်မာဘလော့ဂ်တွေကို မဆက်စပ်မိဘူး …။သိပ်မသိတာကြောင့်လဲပါပါတယ် ..။ တစ်နေ့တော့ ၂၀၁၁ ခုနှစ် နိုဝင်ဘာလထဲမှာ အတန်းထဲကကျောင်းသား အားလုံးအတွက် International Students Party တစ်ခုလုပ်မယ်..အဲဒီမှာ အပြန်အလှန်ယဉ်ကျေးမှုဖလှယ်သလိုမျိုးဖြစ်အောင် ကိုယ့်နိုင်ငံရဲ့ အစားအစာတစ်မျိုးစီလုပ်ခဲ့ကြမယ်.. ဖြစ်နိုင်ရင် ရိုးရာဝတ်စုံဝတ်စေချင်တယ်ဆိုပြီး organizer က အားလုံး ကိုပြောလာတယ်..။ မြန်မာဝတ်စုံဝတ်ဖို့ ဆံပင်ကို မထုံးတတ်ဘူး ..ကျစ်ဆံမြီးလှလှလေးကျစ်သွားချင်တာကလည်း တစ်ခါမှမလုပ် ဖူးတော့ မလုပ်တတ်..သူများတွေလို ကူပေးမယ့်သူလဲ ဘေးနားမှာမရှိ ..တစ်ယောက်တည်းဆိုတော့ အင်တာနက်ထဲမှာ ရှာလိုက်တာ တိုက်တိုက်ဆိုင်ဆိုင် “သနပ်ခါးမေ” ဆိုတဲ့ဘလော့ဂ်လေးမှာ ပုံနဲ့ သေချာရှင်းပြထားတာကို တွေ့လိုက်တယ် ..။

အဲဒီကနေ အစပြုပြီး မြန်မာဘလော့ဂါတွေရေးတဲ့ blog တွေကို စဖတ်ဖြစ်တာပဲ ..။ သတင်းဘလော့ဂ်တွေကလွဲရင် ရသစာတွေ ကိုယ်ပိုင်ခံစားမှုလေးတွေရေးတဲ့ ဘလော့ဂ်တွေကို လည်ဖြစ်တာများတယ်..။ သတင်းတွေက Facebook မှာမြန်မာသတင်းဌာနတိုင်းလိုလိုကို subscribe လုပ်ထားတော့ အဲမှာက သတင်းဖတ်ဖြစ်တယ်။ နောက်တော့ ကိုယ်တိုင်စာရေးချင်လာတယ်..။ ကျောင်းတုန်းကလဲ မတောက်တခေါက် ဟိုမရောက်ဒီမရောက်လျှောက်ရေးတတ်တယ်လေ..။ နောက်ပိုင်းမှာ စာတွေနဲ့ မအားတာနဲ့ပဲ စာရေးချင်စိတ်ကို ခဏမေ့ထားခဲ့ရပြီး ကျောင်းပိတ်ရက်ရောက်တဲ့ ၂၀၁၂ ခုနှစ် မတ်လ ၃ ရက်နေ့မှာဒီ Blog ကို စတင်ပြီး ဖန်တီးခဲ့ပါတယ်…။ ကိုယ်တိုင်ပဲ အစကနေအဆုံး ဖန်တီးခဲ့ပါတယ် …။ 

အဲဒီအချိန်တုန်းက ဆောင်းရာသီကုန်အပြီး နှင်းတွေကျပြီးခါစ ..နှင်းတောထဲမှာ နေ့တိုင်းဖြတ်ပြီးကျောင်းကို သွားတက်ခဲ့ရတဲ့ ခက်ခဲတဲ့နေ့တွေကို ကျော်ဖြတ်ပြီးခါစ ..ဒါပေမယ့် နှင်းဖြူဖြူတွေမြင်ရင် ချစ်တယ် ပျော်တယ်.. အဲဒါနဲ့ ဒီဘလော့ဂ်နာမည်ကို Sweety Snow ဆိုပြီးပေးခဲ့တယ်..။ တကယ့်သဘာဝနှင်းတွေရဲ့ ချစ်စရာကောင်းတာကိုရည်ညွှန်းချင်ခဲ့တာပါ …။ ကလောင်နာမည်တွေဘာတွေလဲ သိပ်မစဉ်းစားချင်ဘူး..ပြီးတော့ အမည်ရင်းလဲ မသုံးချင်တာနဲ့ ဒီနာမည်ကိုပဲ သုံးခဲ့တယ် ..။  အခုတော့ ဒီနေ့ပဲ ကျမချစ်တဲ့နာမည်တစ်ခု ပြောင်းလိုက်တယ်..။ ကျမက သဘာဝအစိမ်းရောင်ကို ချစ်တယ်.. အထူးသဖြင့်…. သစ်ပင်တွေရဲ့ အစိမ်းရောင်ကို အရမ်းချစ်တယ်.. ရိုးရိုးကာလာအစိမ်းကိုချစ်တာမျိုးမဟုတ်ဘူး… သစ်ပင်စိမ်းတွေနဲ့ အစိမ်းရောင် ကမ္ဘာကြီးအဖြစ်ပဲ မြင်ချင်တယ် .. အဲလိုဖြစ်အောင်လည်း တတ်နိုင်သလောက်တော့ တစ်ထောင့်တစ်နေရာကနေ ကြိုးစားနေတဲ့သူဆိုတော့ Blog title ကို MY GREEN LIFE ဆိုပြီး ပြောင်းလိုက်ပါပြီ…။

 

(၂) ဘလော့ကို ဘယ်လိုရည်ရွယ်ချက်ကြောင့် တည်ထောင်ဖြစ်ခဲ့သလဲ ?

ရည်ရွယ်ချက်က စာရေးချင်တာ.. စာရေးလေ့ကျင့်ချင်တာမျိုးပါ..။ ဒီအတိုင်းဆို ဘယ်လိုမှမရေးဖြစ်ဘူးလေ..။ ပြီးတော့ Facebook မှာ ကိုယ့်အကောင့်ထဲမှာ စာရေးတာမျိုးမလုပ်ချင်ဘူး ..။ သီးသန့် site တစ်ခုမှာပဲ စာသီးသန့်ပဲရေးချင်တယ်..။ စစချင်းတုန်းကတော့ ကျောင်းပိတ်ရက်လည်းဖြစ်တာကြောင့် အက်ဆေးပုံစံတွေရေးဖြစ်တယ် …။ တောင်ရောက်မြောက်ရောက် ပဲ..စစချင်းဆိုတော့.။ နောက်ပိုင်းမှာ ကျောင်းပြန်ဖွင့်လာတော့ သိပ်အချိန်မပေးရတော့တဲ့ ကဗျာတွေပိုအရေးများလာခဲ့တယ်..။ အလုပ်ရှုပ်နေရင် ကဗျာရေးရတာ ပိုမြန်သလိုပဲ..။ စိတ်ထွက်ပေါက်တစ်ခုလိုပဲဖြစ်ဖြစ် .. အပျော်ပဲဖြစ်ဖြစ် ကျမအတွက် ကဗျာရေးရတာ အချိန်သိပ်မပေးရဘူး..။ အဲလိုနဲ့ပဲ ကဗျာလောက်ပဲရေးနေခဲ့တာ တော်တော်ကြာသွားတော့ ကဗျာဘလော့ဂ်လို့တောင် မှတ်ရမလို ဖြစ်နေပြီ.။ အခုတော့ မနေ့ကပဲ စာမေးပွဲပြီးသွားလို့ ကျောင်းတစ်လလောက်ပိတ်တော့ အက်ဆေးပုံစံမျိုးတွေ ရေးဖြစ်လာဦးမှာပါ ..။ 

(၃) သင့်ရဲ့ဘလော့လေးအပေါ်မှာ ဘယ်လောက်ထိ ရည်မှန်းထားသလဲ…ဘယ်လောက်ထိ မြတ်နိုးတန်ဖိုးထားသလဲ ?

ဒီအတွက်တော့ ရည်မှန်းထားတာဆိုတာက ကျမစာရေးရရင်တော်ပြီ..။ ဘာမှရည်မှန်းမထားပါဘူး..။ စာဖတ်သူတွေအများကြီးလာဖတ်အောင် ဘယ်လိုမျိုးလေးတွေရေးမယ် ဘာညာလည်း စိတ်မကူးထားဘူး..။ ရေးချင်တာကို ရေးချင်တဲ့အချိန်မှာ ချရေးမယ် ..ဖတ်ရတာကောင်းတဲ့အခါရှိသလို မကောင်းတဲ့အခါမျိုးလည်း ရှိနိုင်ပါတယ်.။ ကျမရေးတဲ့စာတွေကို blogger အချင်းချင်းအပြန်အလှန်အားပေးတာရှိတယ်.. စာဖတ်သူတစ်ချို့ရှိရင်ရှိမယ် … ရသတစ်မျိုးမျိုးပေါ့ .. အဲလိုမျိုးတော့ ခံစားရမယ်ထင်တယ်.. ။ မြတ်နိုးတန်ဖိုးထားတာကတော့ အထူးပြောစရာတောင်မလိုတော့ပါဘူး..။ ကိုယ်ဖန်တီးထားတဲ့ စာမျက်နှာလေး တစ်ခုကို ကလေးလေးတစ်ယောက်ကို ချစ်သလိုချစ်တယ်..။ သူ့အတွက် အကောင်းဆုံးတွေပဲ ဖန်တီးပေးချင်တယ် ..သူကနေ အခြားသူတွေအတွက် အပန်းဖြေစရာစာလာဖတ်တာပဲဖြစ်ဖြစ်.. တစ်ချို့အတွက် ကျမဖန်တီးလိုက်တာ တစ်ချို့ က ခံစားချက်ချင်းတူလို့ သဘောကျနှစ်သက်သွားကြရင်ပဲဖြစ်ဖြစ် တစ်စုံတစ်ခုတော့ ရသွားတယ်ဆိုရင် တစ်ကယ်ကျေနပ်နေမှာပါ..။ 

(၄) သင့်ဘလော့လေး ရုတ်တရက် ပျောက်ဆုံးသွားခဲ့ဖူးပါသလား ?

မပျောက်ခဲ့ဖူးပါဘူး..။ အခုအချိန်ထိတော့ သူကကျမရဲ့နေ့စဉ်ဘ၀မှာ အချိန်ပြည့်နီးပါး ပါဝင်နေပါတယ်..။ စာရေးသည်ဖြစ်စေ မရေးသည်ဖြစ်စေ ခဏခဏဖွင့်ကြည့်တယ်..။ ပျောက်များပျောက်သွားခဲ့ရင်တော့ အတော်ဝမ်းနည်းမိမှာပဲ..။ ကိုယ့်လက်နဲ့ ကိုယ်တိုင်တည်ဆောက်ထားခဲ့တဲ့ အရာတစ်ခုကို လက်လွတ်ဆုံးရှုံးသွားသလိုမျိုးဖြစ်သွားမှာကိုး..။ 

 ရေးတော့ရေးလိုက်တာပဲ.. တော်တော်များသွားခဲ့ပြီ ..။ အားလုံးကို ကျေးဇူးတင်ပါတယ် ...။ ပျော်ရွှင်ပါစေ :))
အစက ဓါတ်ပုံတင်ထားသေးတယ်.. အခုပြန်ဖြုတ်လိုက်တာပါ ...။ ဘာမှတော့မဟုတ်ပါဘူး.. ဘလော့ဂ်မှာ ကိုယ့်ပုံကို တင်ရမှာရှက်တတ်လို့ပါ :D

 

ဒီပို့စ်လေးကို ရေးတာက မောင်လေးမေမြို့မိုးက ရေးပေးဖို့တဂ်တာကြောင့်. ရေးဖြစ်ခဲ့တာပါ..။ တကယ်တော့....အမှန်အတိုင်းဝန်ခံရရင်..မြန်မာ-ဘင်္ဂလားဒေ့ရ်ှရေပိုင်နက်ပြဿနာကို ကြားဖူးနေတာတော့ ကြာပါပြီ.။ ဘယ်လိုလည်းဆိုတာကို.. သေချာမလေ့လာဖြစ်တာပါ..။ မလေ့လာဖြစ်တာကတော့. တကယ်ကြီးကျယ်တဲ့ နိုင်ငံနဲ့ချီတဲ့ ကိစ္စဖြစ်နေတော့.. ကျမရဲ့ ညဏ်တစ်ထွာတစ်မိုက်၊ မဖြစ်စလောက်ဗဟုသုတလေးနဲ့.. သုံးသပ်ဝေဖန်တာမျိုးမလုပ်နိုင်လို့ပါ..။ ဘင်္ဂလားဒေ့ရ်ှဘက်က ၁၃-၁၂-၂၀၀၉ ရက်စွဲပါ တင်သွင်းချက်အရ.. ဒီပြဿနာကို ဖြေရှင်းပေးဖို့. တရားရုံးက အမှုတွဲထဲလက်ခံခဲ့တာကတော့.. ၁၄-၁၂-၂၀၀၉ ရက်မှာဖြစ်တယ်လို့.. ဖတ်ရပါတယ်..။

၁၄-၃-၂၀၁၂ မှာ..တရားရုံးက ဆုံးဖြတ်မယ်ဆိုတော့.. ဆုံးဖြတ်ချက်ချပြီးရင်.. တရားတယ်မတရားဘူး.. နစ်နာတယ်ဆုံးရှုံးတယ်ဆိုတာကို မီဒီယာတွေကတော့. ပြောလာကြမှာပါပဲဆိုပြီး. စောင့်ကြည့်ခဲ့မိပါတယ်.။ တကယ်ဆုံးဖြတ်ချက်ထွက်လာတော့လည်း..ပြောကြတာအမျိုးမျိုးပါပဲ.မြန်မာတွေဘက်က ရှုံးတယ်ဆိုပြီး ပြောကြသလို.. တရားရုံးဆုံးဖြတ်တာ.တရားမျှတတယ်.အဲဒါကို ဘင်္ဂလားတွေဘက်က သူတို့အနိုင်ရတယ်ဆိုပြီး.. တစ်ဘက်သတ်အော်နေကြတာပါ..ဘာညာပေါ့..။

http://www.unbconnect.com/component/news/task-show/id-71091

အထက်ပါလင့်မှာကတော့. ဘင်္ဂလားဒေ့ရ်ှမီဒီယာတွေက ရေပိုင်နက်ပြဿနာမှာ.. သူတို့အနိုင်ရတယ်ဆိုပြီးတော့.. ဆုံးဖြတ်ချက်ချတဲ့နေ့မှာပဲ.. “This is a great day for Bangladesh,” declared Foreign Minister Dipu Moni” ဆိုပြီး သူတို့နိုင်ငံရဲ့ ဖော်ပြပါ website မှာ အောင်ပွဲခံကြတာပါ..။ အဲဒါက်ို ဖတ်ပြီးတော့.. မြန်မာပြည်သူတွေ (ကျမအပါအ၀င်).. ဒေါသထွက်ကြ.. စိတ်မကောင်းဖြစ်ကြရပါတယ်..။

အဲဒါနဲ့. တရားရုံးရဲ့. ညှိနှိုင်းဆုံးဖြတ်ချက်ကို သေချာအောင်လေ့လာကြည့်ဦးမှပဲဆိုပြီး.. ရှာကြည့်လိုက်တဲ့အခါ.. အားလုံးပြည့်ပြည့်စုံစုံရေးသားဖော်ပြထားတဲ့.. Judgement ကို တွေ့လို့.. ဒေါင်းပြီး အကြမ်းဖျင်းဖတ်ကြည့်ပြီး.. ဥပဒေကြောင်းဆိုင်ရာတွေကို နားလည်တဲ့သူတစ်ယောက်မဟုတ်ပေမယ့်.. သူတို့ဆုံးဖြတ်တာကတော့.. ကျမအမြင်. (အမြင်မတူတာတွေလည်း ရှိကောင်းရှိမှာပါ).. တရားမျှတအောင်. ဖြေရှင်းပေးထားတယ်လို့တော့ ထင်ပါတယ်..။ ဒါကိုတော့ အထင်နဲ့ပဲ.. ပြောနိုင်ပါတယ်.. ကျောင်းပိတ်ထားတုန်း.. ခေါင်းစားမယ့်စာတွေ.. သိပ်မဖတ်ချင်လို့.. Run Through ဖတ်လိုက်တဲ့အခါ. ကျမ မသိလိုက်တဲ့. တချို့အပိုင်းတွေ.. နားမလည်နိုင်တဲ့.. ဥပဒေကြောင်းရာတွေ.. ပါနေနိုင်လို့ပါ..။ အဲဒါကြောင့်. အဲဒီဆုံးဖြတ်ချက်အပြည့်အစုံကို လေ့လာလိုသူတွေ .. ဖတ်ချင်သူတွေ. ဖတ်ပြီး. အမှန်အမှားဆုံးဖြတ်နိုင်အောင်.. အောက်မှာလင့်လေးရေးပေးလိုက်ပါတယ်..။ ဆုံးဖြတ်ချက်ကို လက်ခံပြီးပြီဆိုတာ. နှစ်ဘက်စလုံးက အတည်ပြုပြီးကြပါပြီ..။ အဲဒီတော့………………….:D

အဲဒီလင့် မှာ မရှင်းတာတစ်ခုက.. File Name ပါ.။ 1-C16_Judgment_14_02_2012 လို့ပေးထားတော့. ၁၄-၃-၂၀၁၂ မှာ ဆုံးဖြတ်တာကို. ဘာကြောင့်.. ၁၄-၂-၂၀၁၂ လို့ပေးထားပါလိမ့်ပေါ့နော်.. အဲဒီရက်ကတည်းက ဆုံးဖြတ်နေကြတာကို ၁၄-၃-၂၀၁၂ ရက်ကျမှ.. နောက်ဆုံးဆုံးဖြတ်ချက်ချခဲ့လို့လား..။ ဒါမှမဟုတ်.. ဘာဖြစ်လို့ အဲဒီလို file Name ပေးတာပါလိမ့်..အဲဒါကို စိတ်ထဲဇဝေဇ၀ါဖြစ်နေမိလို့.. သိတဲ့သူများရှိရင်.. ကျေးဇူးပြုပြီး ပြောပြပေးသွားပါဦးနော်.. :D